Acromax me hapin e kohës, prezanton bashkëpunimin e ri me të rinjtë që aspirojnë botën mediatike

Acromax ka ardhur me një nismë të re në fushën e komunikimit, medias, marketingut dhe multimedias duke hapur dyer premtuese të gjithë të rinjve që studiojnë dhe aspirojnë për të ditur më shumë teorikisht dhe praktikisht në këto sektorë.

Studentët e Gazetarisë, Multimedia Grafik Dizajn, Marëdhënieve me publikun/PR dhe Marketingut, zhvilluan një leksion të hapur me z. Aldor Nini, themelues dhe Drejtor Ekzekutiv në “Acromax”. Aktivitet i organizuar nga pedagogët Dr. Suela Musta dhe Msc. Nevila Samarxhi.
Në fokus të prezantimit ishin çështje si e drejta e autorit, funksionimi i marketingut në platformat online, fake news, algoritmet, raporti midis privatësisë dhe të drejtave të njeriut online, design dhe grafikës, propaganda dhe fushata zgjedhore në rrjete dhe çështje të tjera.

Ky bashkëpunim shkon përtej një leksioni të hapurtë thjeshtë që jemi mësar ta shikojmë rëndomtë ku fillon dhe mbaron me fjalë. Në këtë rast Nini ka krijuar një urë bashkëpunimi për të gjithë studentët që aspiojnë multimedian, marketingun dhe fusha të ngjashme. Ata do të kenë mundësi të zgjerojnë dhe implementojnë njohuritë e tyre në tregun e punës.

“Acromax” do të mundësojë bashkëpunimin me departamentin e Komunikimit një marrëveshje për Intership dhe punësime në fushën e mediave dhe platformave të komunikimit online.

Gjatë prezantimit Nini u fokusua në temat më IN të momentit. Ai theksoi se në platforma, rëndësi për efikasitetin e përmbajtjes është kohëzgjatja e ndjekjes së videos dhe jo numri i pëlqimeve, shpërndarjes apo komenteve. Ndër të tjera u diskutua për përdorimin e përmbajtjeve audiovizive, qarkullimin e memeve keqmenaxhimin e autorësisë sipas interesave të caktuara, shantazhimet online, trajtimet e rasteve kërcënuese.

Ky bashkëpunim mes Acromax dhe Universitetit Bedër sjell një frymë të re për tregun shqiptar dhe të rinjtë që duan të jenë pjesë e botës së medias por nuk kanë gjetur një derë të hapur.

Linku:arkiva news

Burimi i fotos:https://www.instagram.com/p/DH57JYbNpFe/?img_index=1