Sulmuesi i Nottingham Forest dhe përfaqësuesi i Nigerisë, Taiwo Awoniyi, ndodhet në koma pas fazës së parë të një operacioni për një dëmtim serioz në abdomen.
27-vjeçari u përplas me shtyllën në minutën e 88-të të ndeshjes ndaj Leicester City, të përfunduar 2-2, teksa përpiqej të devijonte një krosim nga Anthony Elanga. Fillimisht ai u trajtua në fushë dhe vazhdoi lojën, por u pa se kishte vështirësi të mëdha fizike.
Awoniyi iu nënshtrua operacionit të hënën mbrëma dhe ndodhet ende në spital, ku pritet të përfundojë ndërhyrja mjekësore të mërkurën. Klubi konfirmoi se lojtari “po rikuperohet mirë”, ndërsa pronari i Forest, Evangelos Marinakis, shprehu shqetësimin e tij menjëherë pas ndeshjes.
Nottingham Forest theksoi se rasti i Awoniyit është “një kujtesë e fuqishme për rreziqet fizike që sjell futbolli dhe rëndësinë që ka shëndeti i lojtarëve mbi gjithçka”.
Linku:https://www.bbc.com/sport/football/articles/cn0g8qyjywjo
Burimi i fotos: https://www.instagram.com/awoniyi18/