Djegiet e lëkurës.
Ekspozimi i gjatë pa mbrojtje ndaj rrezeve UV të diellit shkakton djegie të lëkurës, të cilat mund të jenë të dhimbshme dhe të rrezikshme, sidomos për fëmijët dhe personat me lëkurë të ndjeshme prandaj duhet të mbroheni gjithmonë me krem dielli.
Plakja e parakohshme e lëkurës.
Rrezet UVA depërtojnë thellë në lëkurë dhe dëmtojnë kolagjenin, duke shkaktuar rrudha, njolla kafe dhe humbje të elasticitetit. Dielli mund t’ju plakë më shpejt se vitet!
Rreziku i kancerit të lëkurës.
Ekspozimi i tepërt ndaj diellit pa mbrojtje është ndër faktorët kryesorë për zhvillimin e kancerit të lëkurës, përfshirë melanomën – një nga format më agresive të kësaj sëmundjeje.
Probleme me sytë.
Rrezet UV mund të dëmtojnë retinën, të shkaktojnë katarakt, dhe të përkeqësojnë shikimin me kalimin e kohës. Prandaj, syzet me mbrojtje UV nuk janë vetëm aksesor mode, por edhe mbrojtje për sytë tuaj.
Goditja nga i nxehti.
Në ditët me temperatura të larta dhe diell të fortë, trupi mund të mbinxehet dhe të mos jetë në gjendje të rregullojë temperaturën, duke çuar në një gjendje emergjente që mund të jetë fatale nëse nuk trajtohet menjëherë.
Linku: https://www.yourtango.com/experts
Burimi i fotos:pexele.com