Cristiano Ronaldo kryeson listën e Forbes për sportistët më të paguar në botë për të tretin vit radhazi

Cristiano Ronaldo është shpallur sërish sportisti më i paguar në botë, sipas listës vjetore të Forbes, duke ruajtur vendin e parë për të tretin vit radhazi dhe për herë të pestë në karrierë.
Ylli portugez ka fituar 275 milionë dollarë gjatë vitit të fundit, një shifër marramendëse që përfshin si pagën e tij te klubi Al-Nassr në Arabinë Saudite, ashtu edhe marrëveshjet e shumta të sponsorizimit dhe reklamave, të ndikuara ndjeshëm nga ndikimi i tij i madh në rrjete sociale – me 939 milionë ndjekës në total deri në maj.
Ronaldo ka arritur të rrisë të ardhurat e tij me 15 milionë dollarë vetëm nga bashkëpunimet jashtë fushës, duke përforcuar edhe më tej pozicionin e tij si ikonë globale.
Në vendin e dytë në listë renditet Stephen Curry i Golden State Warriors, me 156 milionë dollarë, pas një sezoni historik ku u bë lojtari i parë në NBA që arrin 4,000 treshe në karrierë.
Tyson Fury, pavarësisht humbjes së titujve botërorë ndaj Oleksandr Usyk, zë vendin e tretë me 135 milionë dollarë, të ndikuara nga bashkëpunimet tregtare dhe shfaqja e tij në një reality show në Netflix.
Në vendin e katërt renditet Dak Prescott, quarterback i Dallas Cowboys, me 137 milionë dollarë, falë bonuseve rekord dhe një kontrate të re fitimprurëse.
Lionel Messi, me kalimin në MLS dhe vazhdimin e kontratave me Adidas dhe Apple, ndan vendin e pestë me 135 milionë dollarë.
Vendin e gjashtë e mban LeBron James me 133.8 milionë dollarë, ndërsa në të shtatin vjen Juan Soto i New York Mets, me 114 milionë, si pjesë e kontratës më të madhe në historinë e bejsbollit – 765 milionë dollarë për 15 vite.
Karim Benzema zë vendin e tetë me 104 milionë dollarë, duke përfituar nga transferimi në Al Ittihad në Arabinë Saudite.
Në vendin e nëntë renditet Shohei Ohtani, me 102.5 milionë dollarë, ndërsa top 10-ta mbyllet nga ylli i Phoenix Suns, Kevin Durant, me 101.4 milionë dollarë.

Linku: https://www.geo.tv/latest/604668-ronaldo-tops-forbes-rich-list-for-third-year-with-275m-haul

Burimi i fotos: https://www.instagram.com/cristiano/