Google sjell chatbot-in me inteligjencë artificiale në motorin e kërkimit

Google ka prezantuar një mënyrë të re kërkimi të quajtur “AI Mode”, që integron drejtpërdrejt chatbot-in Gemini në motorin e kërkimit, duke u mundësuar përdoruesve të bëjnë pyetje të gjata dhe më komplekse, sikur të flisnin me një ekspert. Ky funksion u bë i disponueshëm në SHBA të martën dhe u prezantua gjatë konferencës vjetore të zhvilluesve në Mountain View, Kaliforni.

CEO i Google, Sundar Pichai, e quajti këtë një “fazë të re të transformimit AI”, ndërsa kompania përpiqet të ruajë epërsinë ndaj konkurrentëve si ChatGPT.

Google gjithashtu njoftoi për një palë syze të reja të zgjuara që po zhvillohen në bashkëpunim me Warby Parker dhe Gentle Monster, të pajisura me kamera, mikrofon dhe altoparlantë – një përpjekje për të rivalizuar syzet inteligjente të Meta-s me Ray-Ban.

Analistët vlerësojnë se përfshirja e chatbot-it do të reduktojë numrin e faqeve që përdoruesit duhet të shfletojnë, duke e përqendruar përvojën më shumë në ndërveprimin me AI-n.

Megjithatë, kjo mund të ndikojë në të ardhurat e kompanisë, pasi më pak klikime në faqe nënkuptojnë më pak të ardhura nga reklamat – burimi kryesor i fitimeve për Google.

Në të njëjtën kohë, kompania po përballet me një proces gjyqësor në SHBA për shkak të akuzave për monopol në fushën e kërkimit.

Pavarësisht disa kritikave për përgjigjet e çuditshme të funksionit “AI Overviews”, Google thotë se ai përdoret tashmë 1.5 miliardë herë në muaj dhe është një nga lançimet më të suksesshme të dekadës së fundit.

Linku:https://www.bbc.com/news/articles/cpw77qwd117o

Burimi i fotos:pexele.co,