Në krizë! Disney pushon nga puna qindra punonjës

Kompania Disney ka pushuar nga puna “disa qindra” punonjës në divizionet e saj të argëtimit, përfshirë departamentet e marketingut, publicitetit, casting-ut, zhvillimit dhe financave korporative. Sipas një zëdhënësi të kompanisë, vendimi vjen nga një krizë e momentit dhe si pjesë e përpjekjeve për të operuar në mënyrë më efikase, përballë ndryshimeve të shpejta në industrinë e argëtimit dhe zhvendosjes së konsumatorëve drejt shërbimeve të transmetimit si Disney+.

Shkurtimet u bënë zyrtare më 2 qershor dhe nuk përfshijnë eliminimin e ndonjë ekipi të tërë. Këto janë pjesë e një serie masash për uljen e kostove që Disney ka ndërmarrë që nga rikthimi i CEO Bob Iger në vitin 2022. Që atëherë, kompania ka pushuar nga puna mijëra punonjës, përfshirë 7,000 në vitin 2023 dhe rreth 300 në shtator 2024.

Pavarësisht shkurtimeve, të ardhurat e tremujorit të dytë të vitit 2025 arritën në 23.6 miliardë dollarë, me një rritje prej 7% nga një vit më parë, dhe abonentët e Disney+ u rritën me 126 milionë. Disney kishte rreth 233,000 punonjës sipas raportit të fundit vjetor.

 Linku:https://www.usatoday.com/story/money/2025/06/02/disney-layoffs-2025/83994682007/

Burimi i fotos:pexele.com