Mira Murati, emri shqiptar që ka bërë bujë në botën e teknologjisë si shefe e OpenAI, është duke planifikuar të kurorëzojë dashurinë me partnerin e saj, Vito, këtë verë në një dasmë që premton elegancë, stil dhe emocion.
Sipas mediave të huaja, ceremonia pritet të mbahet në zemër të Toskanës, Itali, në një ambient piktoresk mes natyrës, verërave të famshme dhe atmosferës romantike që e karakterizon këtë rajon.
Burime pranë çiftit bëjnë të ditur se ceremonia do të jetë e vogël, intime, me pjesëmarrjen e familjes dhe miqve më të afërt. Megjithatë, ajo që ka tërhequr vëmendjen është vendimi i Mira Muratit për të përfshirë elementë shqiptarë në ditën e saj të veçantë.
Sipas raportimeve, Murati pritet të mbajë një jelek tradicional shqiptar si pjesë e veshjes së saj të dasmës – një detaj simbolik që reflekton krenarinë për rrënjët dhe kulturën e saj. Kjo zgjedhje është përshëndetur nga shumë admirues të saj, të cilët e shohin këtë si një gjest të bukur të lidhjes me origjinën, edhe në një ceremoni kaq elegante dhe ndërkombëtare.
Pavarësisht mungesës së imazheve dhe detajeve zyrtare, dasma e Mira Muratit pritet të jetë një nga ngjarjet më të përfolura të verës në botën e personaliteteve publike.
Linku: https://www.instagram.com/_iraurati/tagged/
Burimi i fotos:https://www.instagram.com/_iraurati/tagged/