Numër i Panjohur një dokumentar që doli të premten në Netflix, eksploron historinë e vërtetë tronditëse të një nëne që e kishte derguar vajzës se saj mesazhe armiqësore nga një numër i panjohur.
Në qytetin e vogël të Beal City, Michigan, autoritetet thonë se duke filluar nga vjeshta e vitit 2021, Kendra Licari dërgoi mesazhe agresive për më shumë se një vit nën një numër të panjohur, duke i thënë vajzës së saj Lauryn dhe të dashurit të saj Owen të ndaheshin dhe duke u shtirur si një shoqe klase tjetër që po e donte atë.
Në vitin 2023, një gjyqtar e dënoi Kendrën me të paktën 19 muaj burg. I drejtuar nga Skye Borgman, filmi “Numër i Panjohur” përmban mesazhe me tekst agresive, pamje nga kamerat e policisë të momentit kur Kendra u arrestua, intervista me vajzën e Kendrës, Lauryn, ish-të dashurin e saj Owen, prindërit e tij, shokët e klasës dhe familjet e tyre, zyrtarët e shkollës, policinë lokale dhe ndërlidhësin e FBI-së që mori përsipër çështjen.
Mesazhet me tekst
Mesazhet me tekst dukeshin sikur ishin dërguar nga një bashkëmoshatar, duke thënë gjëra të tilla si: “Përshëndetje Lauryn, Owen po ndahet nga ty”, edhe pse nuk ishte. Ky dërgues vazhdimisht thoshte se Owen e pëlqente më shumë, duke shtuar: “Ne të dy jemi të mërzitur. Për muaj të tërë ajo merrte mesazhe si “Ai do të jetë me mua ndërsa djali yt i vetmuar dhe i shëmtuar është vetëm”. Shumë mesazhe e quanin Lauryn edhe “Lo”, një nofkë që e përdornin vetëm miqtë e ngushtë dhe familja, duke sugjeruar se dërguesi ishte dikush në rrethin e saj të ngushtë.
Lauryn dhe Owen telefononin në numrin e panjohur, por askush nuk e merrte kurrë përgjigjen në anën tjetër. Owen merrte deri në 30-50 mesazhe në ditë nga dërguesi misterioz.
Shumë nga mesazhet ishin jashtëzakonisht të turpshme, duke i thënë vazhdimisht Lauryn se Owen do të ndahej prej saj sepse ajo nuk po e përmbushte seksualisht. Një mesazh drejtuar Lauryn shkruante, “ai do seks, dashuri dhe puthje, nuk do të dashurën tënde absurde”, ndërsa një tjetër i referohej “penit dhe gishtave të tij në vaginë dhe gojën time”.
Pasi kishin rreth dy vjet që dilnin bashkë, Lauryn dhe Owen u ndanë, kryesisht sepse kishin frikë nga mesazhet dhe shpresonin se do të ndaleshin nëse nuk do të ishin më çift. Pavarësisht ndarjes, Lauryn mori një mori mesazhesh si “vrit veten tani budalla”, “jeta e tij do të ishte më e mirë nëse ti do të ishe e vdekur” dhe “E VDEKUR #bangbang #vetëvrasje”.
Si u kap nëna
Autoritetet lokale u përfshinë në janar 2022 dhe thirrën FBI-në për përforcime disa muaj më vonë, në prill.
Ndërlidhësi i FBI-së që punonte në këtë rast, Bradley Peter, shpjegon në dokumentar se ai arriti të kuptonte se disa nga mesazhet me tekst ishin dërguar përmes një aplikacioni që fsheh numrat e telefonit.
Kur ai paraqiti një urdhër kërkimi në aplikacion, ai pa disa numra nga Verizon. Pasi paraqiti një tjetër urdhër kërkimi në Verizon, ai pa se numri i Kendra Licarit vazhdonte të shfaqej.
Sherifi lokal u habit nga kjo sepse Kendra kishte kontaktuar vazhdimisht me autoritetet në lidhje me statusin e hetimit të tyre mbi burimin e mesazheve me tekst.
Shikuesit do të shohin pamjet e kamerave të trupit të momentit kur policia u shfaq në shtëpinë e Kendrës për ta arrestuar atë dhe për të sekuestruar pajisjet e saj teknologjike në dhjetor 2022. Në atë moment, ajo është shumë bashkëpunuese me policinë, dhe Lauryn qëndron pranë nënës së saj në heshtje kryesisht të habitur.
Burimi i artikullit: https://time.com/7313021/unknown-number-high-school-catfish-true-story/
Burimi i fotos: https://www.netflix.com/tudum/articles/unknown-number-documentary-release-date-news