Orët e paradites do të jenë nën dominimin vranësirave të shpeshta në pjesën më të madhe të territorit duke gjeneruar shira me intensitet mesatar dhe lokalisht intensivë ku më të dukshme shirat do të paraqiten në zonat veriperëndimore dhe pjesërisht në qendër të territorit.
Në zonat e thella malore priten reshje të dendura dëbore. Parashikohet që orët e vona të mbrëmjes të ulin intensitetin e reshjve në vend. Temperaturat e ajrit do të rriten si në vlerat minimale dhe maksimale duke luhatur vlerat ditore nga 3 gradë celcius vlera më e ulët deri në 20 gradë celcius vlera maksimale në rang vendi.
Era do të fryjë mesatare me shpejtësi mbi 40 kilometra në orë nga drejtimi kryesisht verilindor për pasojë në brigjet detare do të krijohet dallgëzim mbi 3 ballë.
Burimi i artikullit: https://meteoalb.com/shqiperia-moti-e-merkure-26-nentor-2025/