Një reagim i fortë ka ardhur nga familjarët e Mozës, pas deklaratave dhe ofendimeve që, sipas tyre, janë bërë ndaj saj gjatë qëndrimit në spektaklin “Ferma VIP”.
Përmes një reagimi publik, Mimoza Ahmeti ka shprehur shqetësimin dhe kundërshtimin e saj ndaj mënyrës se si, sipas saj, është trajtuar Moza brenda formatit. Ajo e cilësoi të papranueshme gjuhën e përdorur, sidomos kur bëhet fjalë për një grua, nënë dhe person me përgjegjësi familjare jashtë ekranit.
Në deklaratën e bërë publike, theksohet se debatet dhe mendimet ndryshe janë pjesë normale e një formati televiziv, por ofendimet dhe gjuha denigruese nuk duhet të kenë vend.
“Respekti dhe dinjiteti njerëzor duhet të jenë mbi çdo situatë apo debat. Kritikat dhe mendimet ndryshe janë të pranueshme, por ofendimet dhe gjuha denigruese nuk mund dhe nuk duhet të tolerohen”, thuhet në reagim.
Familjarët kanë kërkuar gjithashtu ndërhyrjen e produksionit të “Ferma VIP”, duke shpresuar që të merren masa konkrete për të parandaluar situata të tilla dhe për të garantuar një ambient më të shëndetshëm dhe respektues për të gjithë pjesëmarrësit.
Ky reagim vjen në një moment kur tensionet dhe debatet brenda spektaklit vijojnë të jenë të forta, duke nxitur reagime edhe jashtë ekranit dhe duke e ndarë publikun në qëndrimet e tij lidhur me situatat e krijuara.
Burimi;https://www.instagram.com/mozaahmetiteam/?hl=en
Foto; https://www.instagram.com/mozaahmetiteam/?hl=en