Aktorja 43-vjeçare, e cila në filmin e ri interpreton rolin e Penelopës, zgjodhi një fustan blu të errët, pa mëngë dhe me jakë të lartë, që vinte në pah shtatzëninë e saj.
Veshja ishte e zbukuruar me detaje të arta vezulluese, duke krijuar efektin e një qielli të mbushur me yje. Anne e kompletoi pamjen me sandale të arta me rripa dhe byzylykë të kombinuar, duke u shfaqur elegante dhe rrezatuese në tapetin e kuq.
Gjatë mbrëmjes, aktorja u pa duke buzëqeshur dhe përshëndetur fansat, ndërsa në premierë iu bashkua edhe kastit të filmit, ku përfshihen emra të njohur si Zendaya, Tom Holland, Lupita Nyong’o dhe Charlize Theron.
Filmi epik “The Odyssey” sjell gjithashtu në ekran aktorë të njohur si Matt Damon, Robert Pattinson dhe Travis Scott, duke u konsideruar si një nga projektet më të shumëpritura kinematografike të vitit.
Burimi;https://www.instagram.com/annehathaway/
Foto;https://www.instagram.com/annehathaway/