Aktorja e njohur amerikane, Jennifer Aniston, ka tërhequr vëmendjen e mediave rozë gjatë pushimeve të saj në ishullin Mallorca të Spanjës.
Ylli i serialit të famshëm “Friends” është fotografuar duke shijuar ditë relaksi në një jaht luksoz, në shoqërinë e partnerit të saj, Jim Curtis. Jennifer u pa duke marrë rreze dielli dhe duke kaluar momente të qeta pranë detit, ndërsa edhe një herë ka dëshmuar formën e saj të shkëlqyer fizike.
Për këtë dalje, aktorja kishte zgjedhur një kombinim të thjeshtë, por elegant. Ajo mbante pjesën e sipërme të bikinit në ngjyrë të zezë, të kombinuar me pjesën e poshtme rozë, syze dielli dhe një kapelë të zezë.
Gjatë udhëtimit me jaht, Aniston është parë duke biseduar me Curtis, duke pushuar në kuvertë, por edhe duke bërë ushtrime fizike. Aktorja njihet prej vitesh për kujdesin ndaj stilit të jetesës dhe aktivitetit fizik, gjë që duket se vazhdon ta mbajë në formë të admirueshme.
Pushimet në Mallorca nuk ishin vetëm për dyshen. Sipas raportimeve, atyre iu bashkuan edhe ish-kolegja e Jenniferit nga “Friends”, Courteney Cox, aktori Pedro Pascal dhe producenti Judd Apatow. Grupi shijoi disa aktivitete në det, përfshirë notin, kajakun dhe zhytjen.
Lidhja e Jennifer Aniston me Jim Curtis u bë publike gjatë vitit 2025, pasi ata u panë së bashku pikërisht gjatë pushimeve në Mallorca. Që prej atëherë, çifti është përfolur shpesh në mediat e huaja, ndonëse Aniston vazhdon ta ruajë jetën e saj private larg vëmendjes së tepërt publike.
Aktorja ka folur me fjalë të mira për partnerin e saj, duke e përshkruar si një njeri “shumë të veçantë”, “normal” dhe “të mirë”. Ndërkohë, Curtis, i cili merret me hipnoterapi, ka treguar se njohja e tyre ka ardhur përmes miqve të përbashkët dhe se marrëdhënia mes tyre është zhvilluar gradualisht, pas shumë bisedash.