Olivia Munn: Ndiqja të gjitha këshillat që më thoshin se ishin të drejta, por sërish u diagnostikova me kancer

Olivia Munn, një nga emrat në listën e Grave të Vitit të revistës TIME, foli së fundmi rreth asaj pse ndjeu nevojën për të ndarë diagnozën e saj të kancerit të gjirit me botën. Gjatë intervistës në tapetin e kuq në Galën TIME 2025 për Gratë e Vitit në Los Angeles, aktorja amerikane tregoi pse vendosi të dilte hapur:

“Mendova se sa shumë gra atje, duke ecur përreth, ndiheshin njësoj si unë. Kisha bërë mamografinë, ultratingujt dhe testet gjenetike. Bëra gjithçka që më thanë se ishte gjëja e duhur për të bërë, por megjithatë kisha kancer. Në atë moment, e dija se duhej të gjeja një mënyrë për të folur për këtë, sepse nëse mund të shpëtoj jetën e ndonjë gruaje tjetër, do të ia vlente të bëja atë hap të madh dhe të tregoja historinë time.”

Më parë, Munn kishte shkruar në rrjetet sociale se pavarësisht rezultatit negativ të testit për 90 gjene që lidhen me kancerin, përfshirë gjenin BRCA, dhe kryerjes së një mamografie normale në shkurt të vitit 2023, ajo u diagnostikua me kancer të gjirit vetëm dy muaj më vonë. Më pas ajo iu nënshtrua një mastektomie të dyfishtë.

Burimi i artikullit: https://indianexpress.com/article/lifestyle/health/olivia-munn-share-breast-cancer-diagnosis-time-9860809/

Burimi i fotos: https://www.instagram.com/p/DIP6V28gbhP/?img_index=1