Aktori i njohur britanik, Warwick Davis, i cili u bë i famshëm me rolin e tij në filmat “Harry Potter” dhe si protagonisti në filmin fantastiko-epik “Willow” (1988), ka ndarë një rrëfim prekës për ndikimin që aktori i ndjerë Val Kilmer pati në jetën dhe karrierën e tij.
Në një intervistë për Entertainment Weekly, Davis foli me dashamirësi për përvojën e tij gjatë xhirimeve të filmit “Willow”, ku luajti përkrah Kilmer-it, duke e përshkruar atë si një mbështetje të palëkundur në momentet më të vështira.
“Është pikërisht ai arsyeja pse e përfundova xhirimin e filmit ‘Willow’. Sa herë që ndihesha i lodhur, i rraskapitur apo i dëshpëruar, ai më thoshte: ‘Hajde, vazhdo!’. Ishte si udhëheqësi i një ushtrie, që na motivonte të gjithëve. Ishte një njeri i mrekullueshëm,” u shpreh Davis.
Ai gjithashtu theksoi se ndonëse disa media e kanë përshkruar Kilmer-in si të vështirë për t’u punuar me të, realiteti ishte krejt ndryshe: “Gjithmonë më pëlqen t’i tregoj botës sa i mrekullueshëm ishte, sepse mendoj që mediat shpesh e kanë dhënë një përshtypje të gabuar për të.”
Në fund të intervistës, Warwick Davis e përshkroi mikun e tij të ndjerë si “një person shumë i ngrohtë, bujar dhe me zemër të madhe”.
Linku: https://www.geo.tv/latest/605667-harry-potter-warwick-davis-reflects-on-his-friendship-with-late-val-kilmer
Burimi i fotos:https://www.instagram.com/p/DI7FXy5PkTa/?img_index=1