Megha rrëfen pafuqinë që ndjeu brenda Familjes Mbretërore: Ndonjëherë, e vetmja mënyrë për të folur ishte…

Meghan Markle ka ndarë për herë të parë detaje të sinqerta mbi ndjesinë e izolimit dhe mungesën e fuqisë që përjetoi gjatë kohës si anëtare  e Familjes Mbretërore.

Në një intervistë të realizuar me biznesmenen britanike Emma Grede për podcast-in Aspire, Dukesha e Sussex foli hapur për ndjesinë e të qenit pa zë dhe mënyrën se si e përdorte modën për të shprehur veten.

“Ndjenjat e mia për modën kanë ndryshuar me kohën, sepse gjithmonë thuhet se imitimi është forma më e lartë e lavdërimit,” u shpreh Meghan. “Por kur shihja se si stilimet e mia përfitoheshin financiarisht në nivel global, shpesh pa u dhënë meritë markave dhe stilistëve origjinalë, ndihesha e pavlerësuar.”

“Kur nuk kisha mundësi të flisja me zë, mendoja: çfarë mund të thuash përmes asaj që vesh? Sepse mund të thuash shumë.”

Dukesha tregoi se moda u kthye në një mjet për të përkrahur gratë dhe stilistët e vegjël, sidomos në vendet që ajo vizitonte gjatë tureve zyrtare.

“Kam dashur gjithmonë të mbështes gratë sipërmarrëse, markat lokale dhe të ndihmoj në rritjen e tyre. E gjitha kjo më bëri të ndihesha se po lija një ndikim – edhe pse unë nuk merrja përfitim personal, ndihesha mirë që ata përfitonin.”
Linku: https://www.geo.tv/latest/609625-meghan-markle-breaks-silence-on-her-silence-within-the-firm

Burimi i fotos: https://www.instagram.com/meghan/