Një studim i realizuar nga terapistet e seksit Peggy Kleinplatz dhe A. Dana Ménard ka nxjerrë në pah faktorët kryesorë që ndikojnë në një jetë intime të shëndetshme dhe të kënaqshme në çift. Rezultatet tregojnë se, ndryshe nga sa mendohet shpesh, orgazma nuk konsiderohet elementi më i rëndësishëm për një marrëdhënie intime të shkëlqyer.
Gjetjet u publikuan në librin “Magnificent Sex: Lessons from Extraordinary Lovers”, bazuar në intervista me persona të moshës 23 deri në 59 vjeç, të cilët pohuan se kishin përjetuar periudha me jetën më të mirë intime.
Sipas studimit, 8 elementët kryesorë që karakterizojnë çiftet me një jetë të lumtur dashurore janë
- Të qenit plotësisht i pranishëm në moment
- Lidhja e thellë emocionale
- Intimiteti, besimi dhe respekti
- Komunikimi i hapur dhe i sinqertë
- Autenticiteti dhe siguria emocionale
- Rehatia dhe dorëzimi emocional
- Loja, eksplorimi dhe pozitiviteti
- Ekstaza, lumturia dhe qetësia
Një nga aspektet më interesante të studimit ishte fakti se pjesëmarrësit nuk e renditën orgazmën si faktor kryesor të kënaqësisë. Shumë prej tyre theksuan se lidhja emocionale dhe komunikimi kishin më shumë rëndësi për cilësinë e jetës intime.
Në fazën e dytë të kërkimit, terapistet punuan me 45 çifte që kishin probleme në marrëdhënien e tyre. Përmes këshillimit dhe ushtrimeve që fokusoheshin te afrimiteti emocional dhe besimi, shumica raportuan përmirësime të dukshme në raportin me partnerin.
Studimi sugjeron se një jetë intime e kënaqshme ndërtohet më shumë mbi afërsinë emocionale dhe mirëkuptimin sesa vetëm mbi aspektin fizik.
Burimi: https://www.psychologytoday.com/us/blog/all-about-sex/202301/what-makes-sex-truly-great
Foto; Freepik.com