Fituesi i disa çmimeve britanike solli një performancë të mbushur me emocione, duke interpretuar disa nga hitet e tij më të njohura, përfshirë “Someone You Loved”, “Before You Go”, “Forget Me”, “Pointless” dhe “Wish You The Best”.
Publiku e shoqëroi këngëtarin në çdo varg, ndërsa atmosfera në festival u bë veçanërisht emocionuese gjatë interpretimit të baladave të tij më të suksesshme.
Capaldi është rikthyer fuqishëm në skenat ndërkombëtare pas një periudhe pauze, ndërsa paraqitja e tij në Sunny Hill Festival u konsiderua një nga ndalesat më të rëndësishme të turneut veror në Evropë.
Organizatorët e festivalit e kishin prezantuar atë si një nga tre artistët kryesorë të këtij edicioni, krahas Katy Perry dhe Martin Garrix.
Sunny Hill Festival 2026 po mbahet në Prishtinë nga 31 korriku deri më 2 gusht, duke sjellë emra të njohur të muzikës ndërkombëtare dhe rajonale.