Dea Mishel dhe Zegjine Çaushi përplasen ashpër në rrjet, debati kalon në ofendime personale
Një debat i nisur pas deklaratave të kryeministrit Edi Rama për influencerët që mbështetën protestat kundër projektit në Zvërnec është shndërruar në një përplasje të fortë mes ish-banores së “Big Brother VIP”, Dea Mishel, dhe deputetes së Partisë Socialiste, Zegjine Çaushi.
Dea Mishel reagoi publikisht ndaj komenteve të Ramës, duke dalë në mbrojtje të influencerëve dhe duke kritikuar ashpër deputeten socialiste. Në reagimet e saj, ajo vuri në dyshim aftësitë dhe nivelin arsimor të Çaushit, duke përdorur akuza të forta që ndezën debat në rrjetet sociale.
Nga ana tjetër, Zegjine Çaushi nuk vonoi me kundërpërgjigjen. Deputetja reagoi ndaj deklaratave të Deas me tone të ashpra, duke e sulmuar personalisht dhe duke e akuzuar për mungesë serioziteti në komentet e saj.
Përplasja mes dy figurave u bë shpejt virale, duke nxitur reagime të shumta nga ndjekësit në rrjetet sociale. Komentuesit u ndanë në dy kampe, me disa që mbështetën qëndrimin e Dea Mishel dhe të tjerë që dolën në mbrojtje të deputetes socialiste.
Debati vjen në një moment kur diskutimet për protestat në Zvërnec dhe reagimet e figurave publike vazhdojnë të jenë në qendër të vëmendjes, duke sjellë përplasje të forta jo vetëm në politikë, por edhe mes personazheve të njohur të ekranit dhe rrjeteve sociale.
Burimi;https://www.instagram.com/deamichellee/
Foto,https://www.instagram.com/deamichellee/