Genta Dedej përballet me kritika në rrjet pas deklaratave për Dr. Edi Tushen dhe Eliona Pitarkën

Vetëm pak ditë pas ndarjes nga jeta të pediatrit dhe neonatologut të njohur, Dr. Edi Tushe, drejtuesja e klinikës “Vera-Virhov”, Genta Dedej, është vënë në qendër të reagimeve në rrjetet sociale pas intervistave të saj të fundit televizive.

Në vend që vëmendja të përqendrohej te figura dhe kontributi i mjekut të ndjerë, Dedej riktheu në diskutim përplasjen e mëparshme mes klinikës dhe influencueses Eliona Pitarka, një çështje që kishte marrë jehonë publike muaj më parë.

Deklarata që shkaktoi më shumë debat ishte ajo ku Dedej u shpreh se Dr. Edi Tushe nuk e kishte lejuar ta çonte Pitarkën në gjyq “për hir të fëmijëve”. Ajo la të kuptohej gjithashtu se kjo situatë kishte ndikuar emocionalisht te mjeku, duke e paraqitur si një barrë që ai kishte mbajtur për një kohë të gjatë.

Këto komente nuk u pritën mirë nga një pjesë e publikut. Shumë ndjekës i konsideruan deklaratat të papërshtatshme për momentin, duke argumentuar se vetëm pak ditë pas humbjes së mjekut, fokusi duhej të ishte te kujtimi dhe respekti për figurën e tij.

Në rrjet nuk munguan komentet kritike, ku përdoruesit shprehën pakënaqësinë për rikthimin e një debati të vjetër në një periudhë zie. Disa prej tyre e cilësuan intervistën “të panevojshme” dhe “pa ndjeshmëri”, ndërsa të tjerë kërkuan që emri i Dr. Tushes të mos përfshihej në polemika publike menjëherë pas ndarjes së tij nga jeta.

Burimi;https://www.instagram.com/elionapitarka/

Foto;https://www.instagram.com/elionapitarka/